Rammasamningur nr. 05.05 Olía og eldsneyti fyrir ökutæki og vélar tók gildi 1. september  2022, samningurinn er til tveggja ára með heimild til framlengingar tvisvar sinnum til eins árs í senn. Samningurinn gildir nú til 1. september 2024.

Samið var við fjóra þjónustuaðila um allt land, þ.e. Atlantsolíu, N1, Olíuverzlun Íslands ehf. og Skeljung hf.

Boðinn er fastur afsláttur í krónum á lítra frá eldsneytisverði (m/ vsk.) seljenda á hverjum tíma sem miðast við það verð sem er í gildi á hverri afgreiðslustöð fyrir sig.   

Markmið með útboðinu var að veita áskrifendum rammasamninga Ríkiskaupa eldsneyti og olíur á hagstæðasta verði með áherslu á jafnræði, virka samkeppni og gott aðgengi. 
Útboðinu var skipt í 5 flokka eins og sjá má í neðangreindri töflu.  

1) Tilboð frá Atlantsolíu gildir á öllum útsölustöðvum Atlantsolíu. 

2) Tilboð frá N1 gildir á öllum útsölustöðvum N1.

3) Tilboð frá Olís gildir á öllum útsölustöpvum Olís og ÓB.

4) Tilboð Skeljungs hf. gildir á öllum útsölustöðvum Orkunnar. 

Kaupendur innan rammasamnings

Aðilar þessa rammasamnings eru áskrifendur að rammasamningum Ríkiskaupa á samningstíma.

• Listi yfir aðila að rammasamningum

Kaup innan rammasamnings

Kaupandi skal kaupa inn í rammasamningi með beinum kaupum á þeim kjörum og skilmálum sem eru skilgreindir í rammasamningnum. Við bein kaup í rammasamningi skulu kaupendur gera samanburð á samningsbundnum kjörum og verði seljenda. Ávallt skal velja hagkvæmasta boðið. 

Bjóða skal út með örútboði innan rammasamnings milli þeirra rammasamningshafa sem efnt geta samningin. 

• Seljendur skulu veita kaupendum, án endurgjalds, afgreiðslukort/lykla eða sambærilegt form sem heldur utan um eldsneytisnotkun þeirra. Á þessu eldsneytiskorti/lykli eða sambærilegu skal koma fram hinn fasti afsláttur á vörunni og hann tryggður hvar sem verslað er á landinu. 
• Kaupanda skal standa til boða ítarlegt yfirlit yfir viðskipti sín. 

 Efni seljandi til sértilboða, útsölu eða samsvarandi verðlækkana á samningstímanum skal þess gætt að aðilar að rammasamningi njóti ætíð hagstæðasta verðs sem í boði er.